மறைந்த கவிஞர் தீட்சண்யன் 1970இல் இருந்தே கவிதைகள் எழுதிக் கொண்டிருந்தாரானாலும், சிங்கள இராணுவ கவசவாகனப் பீரங்கி வீச்சால் காலை இழக்க முன்பும், பின்புமாக 1987 இலிருந்து 2000ம் ஆண்டு மே மாதம்வரை அவரால் எழுதப்பட்ட கவிதைகளிலிருந்து சேகரிக்க முடிந்த 92 கவிதைகளே இத்தொகுப்பில் இடம் பெறுகின்றன.

இவைகளில் பாசத்தையும், நேசத்தையும் குறிக்கும் ஓரிரு கவிதைகள் தவிர்ந்த மிகுதி அனைத்துக் கவிதைகளும் போர்க்காலக் கவிதைகளே. பெரும்பாலானவை புலிகளின் குரல் வானொலியில் ஒலிப்பரப்பான கவிதைகள் என்பது குறிப்பிடத் தக்கது.